189
Гувернерот на Киевската област Олексиј Кулеба изјави дека 10 возрасни лица и шест деца останале во болница поради повредите здобиени во хеликоптерската несреќа што се случи вчера во градот Бровари, Украина.
„Местото каде што падна хеликоптерот е исчистено. На оштетената зграда во блиска иднина ќе се поправат прозорците и вратите. Децата од оштетената градинка сега се префрлени во блиските предучилишни установи, почитувајќи ја желбата на родителите“, напиша Кулеба во објава на социјалната мрежа Телеграм.
Најмалку 14 лица, меѓу кои и едно дете, загинаа вчера кога хеликоптер се урна во близина на градинка во киевското предградие Бровари.