Кустурица: Не отидов кај Путин за пари

од Vladimir Zorba

Режисерот Емир Кустурица најави ретроспектива на неговите филмови од 15 до 26 април во салата на МТС и дека претстојниот филм наречен „Инженерот на лесните прошетки“ ќе се снима во Русија. Тој на прес-конференцијата рече дека пет години работи на сценариото за новиот филм бидејќи е ужасно тешко да се трансформира идејата на Достоевски во време во кое живееме.

– Во филмот наречен „Инженерот на лесни прошетки“, приказната е за добар човек чиј судбински пат го води до жена, чија судбина е исто така тешка, бидејќи таа станува проститутка за да ги плати долговите на татко и и лекувањето на нејзиниот брат – рече режисерот.

Според него, разврската на тој заговор лежи во петкратното убиство, кое го врши инженерот.

Кустурица додаде дека тоа не го прави со предумисла, и дека во филмот налетува на полицаец кој за него стекнува двоен идентитет, за да може да го продолжи животот со таа жена во Сибир.

– Бидејќи има дупликат хартии, тој добива повик за својот двојник и филмот завршува со тоа што тој оди во војна во Украина, ни крив ни должен – изјави Кустурица.

Според него, локациите за снимање се уште не се одредени, но очекува се да биде во Русија, додека филмот ќе го претставува неговото гледиште, а тој е длабоко вкоренет во српската филмска, книжевна и сликарска традиција.

Одговарајќи на новинарски прашања, Кустурица рече дека негов покровител не е рускиот претседател Владимир Путин, кој неодамна го прими во Кремљ. Нагласувајќи дека Путин не е човек кој вади пари од џеб, Кустурица додаде дека не отишол кај претседателот на Русија да бара пари, туку да му каже дека сака да биде дел од новиот свет што се појавува во Евроазија.

Нагласувајќи дека неговите филмови се поврзани со околностите во кои се снимени, Кустурица го спомена падот на комунизмот и почетокот на продажбата на децата, како општествен феномен кој добива катарзична форма. Според него, додека го правел „Аризона сон“, се обидел да сними филм на англиското говорно подрачје, каде се спасувал со надреализам, а кој бил успешен во Европа, а неуспешен во Америка.

Кустурица рече дека омилен филм му е „Животот е чудо“, бидејќи има тема од животот, не е нешто измислено, иако ја немал, како комедијата „Завет“, комерцијалноста на неговите претходни дела.

Слични содржини