Специјалниот пратеник на ЕУ за дијалог Мирослав Лајчак ги повика главните преговарачи на Белград и Приштина во Брисел следната недела за да ги продолжат разговорите за имплементација на новиот Договор на патот кон нормализација и Анексот за негово спроведување, изјави денес за „Танјуг“ Зои Мулетје од прес-службата на ЕУ.
Таа наведе дека се очекува страните да се договорат за следните чекори кои ќе овозможат целосна имплементација на Договорот, која треба да започне без натамошно одлагање.
„ЕУСР ги покани главните преговарачи во Брисел следната недела да продолжат со дискусиите за спроведувањето на новиот Договор за патеката на нормализација и Анексот за негово спроведување, со очекување дека страните ќе се договорат за следните чекори кои ќе овозможат целосна имплементација на Договорот, која треба да започне без натамошно одлагање“, се вели во одговорот на Мулетје.