18
Рускиот министер за надворешни работи Сергеј Лавров денес изјави дека Русија ќе продолжи да се залага за целосно враќање на правата на рускиот јазик во Украина, сметајќи го за клучен за постигнување одржлив мир.
Во видео обраќање по повод Денот на рускиот јазик, Лавров нагласи дека почитувањето на рускиот јазик, како и културата, е од суштинско значење за Русија, објави ТАСС.
Тој нагласи дека Москва нема да толерира дискриминација кон рускиот јазик и ќе продолжи да ги поддржува граѓаните на Украина кои зборуваат руски јазик, заштитувајќи ги нивните законски права, вклучително и правото да го користат својот мајчин јазик.