Рускиот министер за надворешни работи Сергеј Лавров го смета за недопустлив обидот на западните земји да „пишуваат правила“ зад грбот на меѓународната заедница.
„Сметаме дека е неприфатливо и опасно, кога некои правила се пишуваат зад грбот на мнозинството меѓународна заедница, кои потоа им се наметнуваат на другите, како универзални норми“, рече Лавров на прес-конференција со генералниот секретар на ОН, Антонио Гутереш .
Тој рече дека за време на разговорите со Гутереш го потврдил ставот на Русија дека едностраните пристапи кон меѓународната политика се недопуштени.
„За Русија, еден од главните проблеми е обидот на западните земји да промовираат еднострани пристапи, заобиколувајќи ги колективните механизми за донесување одлуки“, рече шефот на руската дипломатија.
Лавров истакна дека „воведувањето на концептот на таканаречени правила предизвикува значителна штета на улогата на централната координација на ОН во светските работи“.
„Русија продолжува да ги поддржува активностите на светската организација“, рече Лавров.
Министерот истакна дека Русија е столб на меѓународниот правен систем и дека за да се реши проблем, потребно е да се слушне гласот на секоја држава.