Поради повисоките трошоци за енергија и суровини, основните прехранбени производи во Германија – лебот и пецивата – значително се зголемија во последните години.
Цените на пекарските производи се зголемија за добра третина (34,4 отсто) од 2019 до 2023 година, објави Федералниот завод за статистика во Визбаден по повод „Денот на германскиот леб“ на 5 мај.
Според податоците на Федералната канцеларија, вкупните потрошувачки цени во тој период пораснале за 17,3 отсто.
Од Сојузната служба објаснуваат дека зголемувањето на цените, особено на лебот и пецивата, меѓу другото е предизвикано и од зголемувањето на цената на енергијата и суровините. Сепак, зголемените трошоци за персоналот, според статистичарите, може да доведат и до зголемување на цените.
Во март 2024 година, пекарските производи чинат 2,9 отсто повеќе од претходната година, додека вкупните потрошувачки цени во тој период пораснале за 2,2 отсто.