Легендарната АББА издаде нов албум по 40 години

Легендарната шведска поп група AББА денеска го претстави својот нов албум „Voyage“, 40 години по распаѓањето на славниот бенд.

„Снимивме нов албум“, рекоа Бјорн Улвеус (76) и Бени Андерсон (74), претставувајќи го албумот во Лондон, каде што изведоа една од новите песни “I Still Have Faith in You”.

Новиот албум официјално ќе излезе на 5 ноември.

Шведскиот бенд беше активен од 1972 до 1982 година. Покрај Улвеус и Андерсон, бендот го сочинуваа Ани-Фрид Лингштад (75) и Агнета Фалтски (71).

Бендот исто така најави турнеја, но виртуелна со холограми од членовите.

Со песната „Ватерло“ во 1974 година, АББА победи на Евровизија, а остана запаметена по хитовите како”Dancing Queen”, “SOS”, “Mamma Mia”, “Money, Money, Money”, “Take A Chance On Me” и други.