Претседателката на Европската комисија, Урсула фон дер Лајен, одвоила речиси 150.000 евра или поточно речиси 1.000 евра дневно за да му плати на професорот по средновековна историја Петер Штрошнајдер да подготви извештај за земјоделството, пренесува „Политко“, повикувајќи се на документ до кој имал пристап.
Според него, Фон дер Лајен доделил плата за 64 отсто повисока од максималната стапка предвидена за советниците на Комисијата за да му плати на Штрошнајдер да го надгледува овој извештај за земјоделството.
Со 973,79 евра дневно, покажува документот, дневната стапка на Штрошнајдер за поднесување извештај под наслов „Стратешки дијалог за иднината на земјоделството во ЕУ“ ја надминува максималната дневна стапка од 594,22 евра, што е вообичаена за специјалните советници на Комисијата, пренесува „Танјуг“.
Според еден експерт кој напишал извештај за Европскиот парламент за специјални советници, 149.963,66 евра наменети за плаќање на Штрошнајдер за 154 дена се „губење народни пари“.
„Сметам дека 150.000 евра се едноставно (нереално) многу и, веројатно, не се потребни“, рече професорот на Универзитетот Васа во Финска, Кристоф Демке.
Според службата за кариера на ЕУ, дневната стапка што ја добивал Штрошнајдер одговара на онаа што ја добива генералниот директор во Комисијата.
Сепак, благодарение на исклучоците од упатствата за платите на Европската комисија, не е спротивно на правилата специјалните советници да бидат платени во согласност со највисоката стапка предвидена за службениците на ЕУ.
Од друга страна, не е невообичаено Комисијата да соработува со специјални советници, кои не се платени, како што е поранешниот италијански премиер Марио Драги, кој не бил платен за тоа што бил ангажиран од Фон дер Лајен да напише извештај за конкурентност на Европа.
Фон дер Лајен го ангажираше Штрошнајдер во време кога фармерите протестираа низ Европа против регулативите за борба против климатските промени.