Епската продукција “Враќањето” (“Revenant” -буквално “Вратен од мртвите”) на носителот на “Оскар” Алехандро Инјариту веќе може да се види во кината.

Во “Враќањето” главната улога е доверена на Леонардо ди Каприо, а за оваа улога се верува дека конечно овој пат веќе ќе му донесе “Оскар”. Партнер му е Том Харди.

“За мене во филмот има моќни теми: волјата за живот и односите со дивината” – открива Ди Каприо. “Пред тоа сум играл многу неверојатно силни ликови кои ми делувале на различни начини, но морам да кажам дека за мене беше уникатен предизвик да изградам убедлив лик без зборови.

Во голема мера во работата се адаптирав во моментот и реагирав на она што природата ни го дава и што доживува Глас. Станува збор за истражување на најдлабоките елементи на инстинктот за преживување. “, додава тој.

Инспирирана од вистински настани, “Враќањето” е епска приказна за опстанок и преуредување во американските погранични земји. За време на експедиција во непозната пустелија, легендарниот истражувач Хју Глас (Леонардо ди Каприо) е брутално нападнат од мечка и напуштен од членовите на неговата ловечка дружина. Иако е на границата на смртта, Глас одбива да се предаде.

Воден од непоколеблива волја и љубов кон сопругата и синот, тој тргнува во вистинска одисеја од 200 милји во поширокиот Див Запад на патеката на човекот кој го предал – Џон Фицџералд (Том Харди).

Она што започна како безмилосен стремеж кон одмазда станува херојска сага против сите искушенија на патот кон дома и помирувањето.

Покрај режисер Алехандро Инјариту е и сценарист, и продуцент на филмот. За производството тој вели: “Приказната на Глас ги покренува прашањата: Кои сме ние, кога сме целосно лишени од сè? Кои сме ние, од што сме направени и на што сме способни?

“Враќањето” доби три награди “Златен глобус” и цели 12 номинации за “Оскар”. Потопени публиката во неспоредливата природна убавина, мистерија и опасностите на животот во Америка од 1823 година, филмот ја истражува трансформацијата на еден човек во потрага на опстанок. Делумно трилер, делумно водич низ пустошот, “Враќањето” ги истражува примарните инстинкти не само за зачувување на животот, но и на достоинството, правдата, верата, семејството и домот. Ова е прв историски еп на режисерот Инјариту, кој е познат по филмовите “21 грам”, “Вавилон” и беше одличен минатата година со “Оскар” за најдобар филм “Брдмен: Или неочекуваната доблест на незнаењето”.

Тука тој повторно го остава карактеристичниот отпечаток – неповторлива комбинација од визуелна непосредност и емоционална интимност во приказна која ја пренесува публиката во времето и просторот.