Холивудскиот актер Леонардо ди Каприо стекнал удел во францускиот производител на шампањ Telmont, откри неговиот мнозински сопственик Remy Cointreau. Ова се случува во време кога луксузните брендови склучуваат договори со познати личности за да ја зголемат нивната атрактивност, пренесе Ројтерс.
„Од зачувување на биодиверзитетот на нашата земја до користење на 100% обновлива електрична енергија, Champagne Telmont е решен радикално да го намали својот отпечаток врз животната средина, што ме принудува да се приклучам како инвеститор“, рече Ди Каприо.
Компанијата за шампањ Telmont е основана во 1912 година, а француската компанија за алкохолни пијалоци Remi Cointreau, чии конкуренти се Pernod Ricard и Diageo, го стекна мнозинскиот удел во неа во октомври 2020 година.
Ди Каприо е еден од најпознатите холивудски актери. Во 2016 година, тој доби Оскар за неговата улога во „Враќањето“, а неговите други хит наслови ги вклучуваат „Титаник“ и „Волкот од Волстрит“.