Левица: Тони Коњановски учесник во најголемиот урбанистички криминал во историјата на Битола

На 43-тата Седница на Советот на Општина Битола, беше изгласан најголемиот криминал во историјата на Општина Битола, велат од Левица.

„Комисијата која била составена по избор на Тони Коњановски истата е против законски оформена со тоа што мнозинство во таа комисија имале надворешни соработници.

Истата таа комисија дозволи оттуѓување на општински имот без јавно наддавање во интерес на приватно лице.

Ваков преседан на Локалната самоуправа и Советот на Општина Битола, во иднина ќе создаде насилно приватизирање на општинскиот имот. И истиот треба да биде казнет“, се вели во соопштението од Левица.

Левица го повикува Јавното Обвинителство да оформи предмет за овој настан и да отвори истрага за истиот.