Актерот Лиам Хемсворд ја потврди врската со австралискиот модел Габриела Брукс, на само пет месеци откако се разведе од пејачката Мајли Сајрус, пишува Daily Mail. Неодамна, парот бил фотографиран на плажата Byron Bay како се бакнуваат.
Тие заедно ја поминале и новогодишната вечер и не можеле да ги тргнат рацете еден од друг. Лиам во средината на декември новата девојка ја запознал и со родителите за време на семеен ручек.
– Лиам ужива со Габриела. Неговото семејство ја одобрува и им се допаѓа, што нему му е многу важно – рекол пријател на парот.
Не е познато кога Лиам и Габриела ја започнале нивната врска.
Откако прекина со Мајли, Лиам беше во кратка романса со актерката Медисон Браун. Еднашка беа видени како се бакнуваат за време на романтичен состанок во Њујорк.
Мајли и Лиам се разведоа во август 2019 година, само осум месеци по нивната тајна венчавка. Габриела минатата година ја прекинала четири годишната врска со пејачот Метју Хеали.