Само на 5 илјади бегалци во Европа ќе им биде предложено азил според пакет мерки кои се подготвени за разгледување од европските лидери на денешната вонредна кризна средба во Брисел, пишува “Гардијан”.
На иницијатива на неколку европски лидери денес се организира итна средба на Европскиот совет, на која ќе бидат разгледани мерки за запирање на приливот на имигранти во Средоземното Море. Иницијативата за организирање на средбата беше покрена по информациите дека потонал рибарски рибарски брод со меѓу 400 и 950 имигранти од Африка и Бангладеш во Медитеранот во текот на викендот.
Британските медиуми имаат со предлог кој покажува дека поголемиот дел од имигрантите, успеале да дојдат до Европа и особено до Италија (само минатата година 150 илјади луѓе ), ќе бидат вратени. Тоа е дел од програма за брзо враќање на имигрантите во координација со европската гранична агенција “Фронтекс”.
Не се конкретизира дали точно ќе бидат вратени во нивните земји или во некои од земјите, од каде тргнале да го сечат Средоземното Море.
Според бројките повеќе од 36 илјади мали бротчиња со преживеани достигнаа до Италија, Малта и Грција оваа година.
Исто нацрт на лидерите е дека се надеваат да се прошират спасително-претресните операции во Средоземното Море во одговор на хуманитарната криза.
Се потврдува одлуката за внатрешни и надворешни работи на ЕУ, што беше донесена на итен состанок во понеделникот да се удвојат средствата за операциите “Тритон” и “Посејдон” во 2015 и 2016 година. Операциите се поврзани со патролирање на околу 50-60 километри од италијанското крајбрежје.
Во однос на делот за споделувањето на одговорноста во ЕУ, се предлага “создавање на првиот доброволен пилот проект во областа на преселување, нудејќи азил на најмалку 5 илјади имигранти “.
Водачите планираат да се вклучат со зголемување на итната финансиска помош за земји како Италија, Малта и Грција.Специјални тимови ќе бидат распоредени во Италија да помагаат за регистрирање, донесување на отпечатоци и процесот на пополнување на документи за азил на бегалците.
Ќе се зголеми поддршката исто за Тунис, Египет, Судан, Мали и Нигер, за да ги контролираат границите со цел превенција остварувањето на имигранти до брегот на Средоземното Море.
Европските лидери исто така се очекува да се фокусираат на борбата против шверцерите.
Според “Франс прес”, повикувајќи се на документи пред средбата, лидерите на ЕУ ќе разговараат за можноста за воена операција против трговијата со луѓе во Либија. Во тоа исто така е утврдено одземање и уништување на мали бродови, кои можат да бидат користени од шверцерите.
Пред средбата над 50 поранешни европски премиери, министри за надворешни работи и бизнис лидери испратија заедничко писмо до Европскиот совет , со повик за итно враќање на спасувачките операции во Средоземното Море.
Состанокот во Брисел е со почетен час 16 часот.