Портпаролката на руското Министерство за надворешни работи, Марија Захарова, реагираше на изјавата на британската министерка за надворешни работи Лиз Трас за „погубното влијание на Русија на Балканот“, потсетувајќи како западната коалиција заедно со Лондон тргувала со органи и шверцувала оружје на Косово и Метохија во 1990-тите.
– За време на посетата на Балканот, Лиз Трас ги повика граѓаните на Босна и Херцеговина да не и веруваат на Русија, која има катастрофално влијание врз тој регион. Експертите шепотат: за време на британско-босанските разговори беше допрена темата за влез на земјава во единствениот европски дом и интеграција во НАТО. Некако е чудно да се зборува за деструктивно и непринципиелно влијание на НАТО на Балканот, но сепак потсетувам: Северноатлантската алијанса ја бомбардираше Југославија во 1999 година користејќи осиромашен ураниум, порачала Захарова на Телеграм, пренесува РИА Новости.
Таа потсетила и дека „Лондон придонел за нивната подредена положба во текот на целиот период на зависниот престој на Словените на Балканот, поткопувајќи го на секој можен начин потенцијалот на националноослободителните движења“.
– Не Британија, туку Русија помогна да се постигне независноста на Грција во 19 век, а кога тоа беше корисно за Лондон, Англија директно влезе во конфликтот против Русија и нејзините словенски сојузници на Балканот, како што беше случајот за време на Кримската војна и таканаречената источна криза во втората половина на 1870-тите, истакнала Захарова.
Таа потенцирала дека „Балканот долго време се смета за буре европски барут“, а ескалацијата на противречностите во Југоисточна Европа ја поддржала и Велика Британија, бидејќи првенствено им наштетила на интересите на австриско-германската коалиција и Русија во регионот, што резултирала со Првата светска војна.
Захарова изјавила и дека „Британија воспостави нормални односи со социјалистичка Југославија во втората половина на 20-тиот век исклучиво поради несогласувањето на Белград со политиката на Москва“.
– Па, тогаш почнаа 90-тите, а содржината и значењето на британското (и НАТО) влијание на Балканот стана очигледна за целиот свет. Како дел од западната коалиција, Лондон е покровител на шверцот со органи на Косово и Метохија и шверцува сè во регионот, вклучително и оружје, заклучича Захарова.