Актерот и комичар Џим Кери, кој сите го паметиме од ликовите од бројни комедии, во ново интервју откри дека една од неговите поранешни девојки секогаш ќе има посебно место во неговото срце. Станува збор за актерката Рене Зелвегер, со која се забавуваше само една година откако се запознаа во 2000 година на сетот на филмот „Me, Myself & Irene“.

„Да, така е, таа беше многу посебна за мене. Многу! Мислам дека е убава”, рече Кери, кој има два неуспешни брака, со Мелиса Вомер од 1987 до 1995 година, со која има и ќерка, Џејн Ерин и со Лорен Хол од 1996 до 1997 година.

Откако се раздели со Рене, Џим се забавуваше со Џени Мекартни до 2010 година, додека Рене се омажи за музичарот Кени Чесни во 2005 година, но се разведоа четири месеци подоцна.

Актерот зборуваше и за неговата врска со 74-годишната пејачка Линда Ронштат, со која се гледаше кога штотуку се пробиваше во Холивуд.

„Јас ги ценам луѓето што минаа низ мојот живот и внесоа нешто добро, затоа Линда има посебно место во мојата книга. За некои, нашата врска се чинеше чудна поради возрасната разлика, но таа ме третираше со почит“, објасни Кери.

За него често се вели дека нема среќа во љубовта, што е потврдено од неговите неодамнешни врски. Неговата поранешна девојка Катриона Вајт почина во 2015 година по предозирање со дрога. Актерот бил скршен и не се гледал со никого до почетокот на 2019 година, кога се „сплеткал“ со актерката Џинџер Гонзага на сетот на детската серија „Kidding“. Но, таа врска не траеше долго – парот се раздели во октомври истата година.

Патем, актерот неодамна призна дека се бори со славата и дека не ја ценел анонимноста додека ја имал. Тој дури и не ја ценел анонимноста сè додека не ја изгубил.

„Никој не ја цени анонимноста сè додека не ја изгуби. Некој на тоа би рекол: „Па, го добивте тоа што го баравте.“ Да, но тоа е како кога детето ќе побара нешто пред да порасне и да сфати што навистина значи нешто. Не велам дека тоа е нешто лошо, но е многу чудно и ве држи во куќата“, рече тој.