Групацијата Lufthansa планира да укине едно од пет административни работни места во својот клучен бренд, објави германскиот бизнис магазин во четвртокот.
Управниот одбор на групацијата одлучил да бидат укинати околу 400 работни места, објави „Manager Magazin“.
Групацијата најпрво најави сеопфатна програма за штедење за главниот бренд во текот на летото.
Додека другите компании од групацијата, како што се Swiss, Austrian, Eurowings, Brussels и Lufthansa Technik во голема мера се на добар пат финансиски, матичната компанија Lufthansa не се очекува да оствари оперативен профит оваа година – целта е да се „исплати“. Се очекува дека програмата за штедење ќе го подобри оперативниот профит за 2,5 милијарди евра до 2028 година.
Според извештајот, неопходно е да се заштеди и при купувањето и да се вложат повеќе напори за привлекување деловни патници, од кои само 60 отсто се вратиле на воздушниот сообраќај по пандемијата на коронавирус.