ШОК низ целиот свет беше предизвикан од настаните околу Кристијан Ериксен во мечот на неговата Данска и Финска на Европското пред четири дена. Лекарите последователно едвај го спасија животот на данскиот ас, кој преживеа срцев удар.
После тој натпревар во Копенхаген, кој продолжи откако Ериксен беше пренесен во болница и на кој Финска победи со 1:0, играа Белгија и Русија (3:0). Ромелу Лукаку постигна два гола, а првиот го посвети на клупскиот соиграч од Интер. Откако погоди, тој се стрча кон камерата и и рече: „Крис, те сакам!“
Данска и Белгија ќе играат денес во 18 часот, исто така во Копенхаген. Домашните навивачи најавија дека ќе му дадат овации на Ериксен во 10. минута. Тој се опоравува од последиците од срцевиот удар во болницата „Ригшоспиталет“, која се наоѓа многу близу до стадионот Паркен, па навивачите сакаат Ериксен да ја слушне поддршката што ќе ја добие.
Ромелу Лукаку откри дека на поддршката на Ериксен ќе се приклучат и играчите на двата тима: „Во 10-та минута од играта ќе ја исфрлиме топката од игра и ќе аплаудираме, тоа ќе биде нашата порака за охрабрување до Крис. Многу белгиски репрезентативци играат или играле со него и многу не погоди тоа што му се случи“.
Лукаку откри и дека сакал да го посети Ериксен во болницата: „Сакав да го сторам тоа, но тие не ми дозволија заради ковид-протоколите. На крајот на краиштата, најважно е што Крис го посетуваат членовите на неговото семејство, а ние ќе се видиме. Само што ми испрати порака дека е добро, и јас му реков да ми се јави кога сака. Ќе му пишам порака непосредно пред натпреварот “.