Западните земји изнесоа теза дека Русија има план за напад на Украина, изјави претседателот на Белорусија Александар Лукашенко и ги повика да го докажат тоа.
„Уште еднаш нашите „партнери“, како што ги нарекуваат во Русија, нашите ривали, непријатели, се обидуваат да ја провоцираат Русија. Затоа излегоа со тезата дека Русија има намера да ја нападне Украина. Ако има намера, ставете ги фактите на маса и потврдете ја оваа теза“, рече Лукашенко на седницата за безбедносни прашања.
Тој додаде дека Западот користи мигранти за да ја ограничи белоруската армија во случај на конфликт со Русија. Тој предупреди дека доколку дојде до конфликт на руско-украинската граница или во Донбас, белоруската армија нема да остане настрана.
„Веројатно се загрижени дека приливот на мигранти е намален во нашата земја, бидејќи тие ги искористија тие луѓе да ги решат нивните внатрешни проблеми и да не држат во неизвесност. Тие многу добро знаат: ако Украина се обиде само да предизвика војна со Русија, Белорусија нема да остане. Затоа белоруската армија треба да биде зауздана, држена на западната граница, изјави белорускиот претседател.
Неколку илјади мигранти се собраа на границата меѓу Белорусија и Полска во последните недели со надеж дека ќе стигнат до земјите од Европската унија. Полските власти ја засилија безбедноста на границите, ја концентрираа армијата и ги спречија обидите на илегални имигранти да влезат во земјата, обвинувајќи го Минск за мигрантската криза. Белорусија ги негира сите овие обвинувања, тврдејќи дека Полска насилно ги протерува мигрантите.