Претседателот на Белорусија, Александар Лукашенко, денес објави дека нацртот на новиот Устав ќе биде готов до крајот на оваа година, а потоа ќе биде распишан референдум за негово усвојување, пренесува РИА
Белорусија ја тресат протести на опозицијата уште од 7 август, што ја оспорува валидноста на резултатите од претседателските избори, но Лукашенко, кој е претседател од 1994 година, ги отфрли критиките од неговите политички противници.
Во интервју за телевизијата „Русија 1“ тој се осврна на односите меѓу Белорусија и Русија.
Тој истакна дека Русија и Белорусија треба да ги прошират процесите на интеграција во сите сфери
– Треба да ги интегрираме економијата, луѓето и сл. Апсолутно нема што да се спречи. Напротив, треба да бидеме поблиску до Русија и тогаш ќе се решат политичките прашања. Кога луѓето ќе видат дека веќе триесет години тапкаме во место во изградбата на Алијансата на две држави, тие поставуваат логично прашање, зошто? – рече Лукашенко.
Тој изјави дека Белорусите ги сметаат сите Руси за нивни браќа, потсетувајќи дека двете земји имаат исти корени.
– Белорусите секогаш можат да се потпрат на нивниот постар брат, Русија. Во исто време, Русија знае дека без Белорусија би и било тешко со Западот – додаде претседателот.