Ракетата која падна на територијата на Полска е украинска, а ситуацијата во целина изгледа како договор, изјави претседателот на Белорусија, Александар Лукашенко.
– Нешто падна на територијата на Полска. Но, никој не поставува елементарно прашање: зошто оваа луда ракета испукана од украинската армија се сврте и тргна во спротивна насока кон запад? Затоа што пукаа на исток – од таму летаат руските ракети. Нека одговорат професионалците. Тоа не се случува. Нема такви коинциденции – рече Лукашенко.
Лукашенко истакна дека „во тој момент, кога Украинците ја лансираа ракетата С-300, немаше руски ракети во воздухот“.
– Кои објекти ги таргетираа? Тие молчат и Американците молчат. Тие разбираат дека и ние ја контролираме оваа територија, гледаме нешто. Зошто ненадејно нападнаа земја на НАТО за време на самитот на Г20, како тоа беше првично претставено? Се плашам да донесувам заклучоци, но тоа личи на договор, друго нема – изјави белорускиот претседател.
Лукашенко привлече внимание и на фактот дека падот на ракетата на територијата на Полска веќе исчезнува од темите кои ги започнуваат западните медиуми.
– Сега против нас се води жестока војна. Овој пример покажува: тие изгореа и брзо се обидуваат да ја затворат оваа тема. На Запад речиси и не се зборува за тоа. Полјаците и Украинците жалат што тоа не е руска ракета: им треба за да не провоцираат, потребна им е ескалација – заклучи тој.