27
Бразилскиот претседател Луиз Инасио Лула да Силва побарал од рускиот претседател Владимир Путин да го продолжи тридневниот прекин на огнот во Украина, кој Русија еднострано го прогласи, и да го прифати предлогот на Украина за прекин на огнот во траење од најмалку 30 дена, објави денес „Глобо“, повикувајќи се на извори во бразилската влада.
Извори за бразилскиот портал изјавиле дека Путин ги пофалил напорите на Бразил, но не одговорил на предлогот на Лула за подолго примирје.
Пред да замине за Кина од Москва порано денес, Лула им потврди на новинарите дека разговарал со Путин за мирот во Украина, за кој рече дека е важен на глобално ниво.