Мачка помина илјадници километри за да ги најде своите сопственици. Заедно со нив мачката Кункуш го напуштила ирачкиот град Мосул и пристигнала во Грција, но потоа се изгубила.
Сопственичката се обидувала да ја најде, но требало заедно со своите деца да го напушти времениот камп и така потрагата завршила безуспешно.
По неколку дена белиот мачор е забележан во рибарското село Скала. Добил друго име – Деус, а подоцна и ново семејство во германскиот град Берлин. Паралелно со тоа на социјалните мрежи започнала кампања, чија цел е да се најдат вистинските газди на Деус-Кункуш.
Набрзо, бегалците дознаваат каде им е нивниот домашен миленик. Првата нивна средба е по Скајп. Потоа Кункуш се упатува на ново патување. Четири месеци и 4000 километри подоцна белиот убавец веќе е кај своето вистинско семејство во Норвешка.