Мајли Сајрус за време на гостувањето во радиото Heart Fm ја играше играта Would You Rather, и даде, како и секогаш, искрени и интересни одговори. Меѓу другото, таа откри дека не би го бакнала поп-пејачот Џастин Бибер.
Поп-sвездата мораше да избере помеѓу Хари Стајлс и Џастин Бибер. Иако на многумина овој избор им изгледа невозможен, таа лесно ја донесе одлуката.
„Хари“, одговори таа.
„Го познавам Џастин предолго, тој е како семејство сега, додека Хари Стајлс изгледа навистина добро“, рече таа.
Мајли додаде дека особено и се допаѓал Стајлс во мрежести чорапи, кои ги носел во едиторијалот за списанието „Beauty Papers“.
„Двајцата сме слични: се облекуваме слично, па затоа би било логично да живееме заедно“, рече таа со насмевка.
Тогаш водителот на радиото предложи: „Ако сакате да ве поврзам, јас сум прилично добар во тоа и го познавам Хари“, на што пејачката на шега одговори: „Секој би сакал да глуми стројник денес!“