Францускиот претседател Емануел Макрон соопшти дека во телефонски разговор со украинскиот претседател Владимир Зеленски ја потврдил решеноста на Париз да ѝ помогне на Украина да го зачува својот суверенитет и територијален интегритет.
Макрон рече дека се согласил со Зеленски за потребата од продолжување на преговорите во нормандискиот формат за источна Украина, со посредство на Франција и Германија.
Францускиот претседател додаде дека во наредните денови ќе разговара со рускиот претседател Владимир Путин, а на 15 декември ќе има нова средба со Зеленски во Брисел.
Зеленски, исто така, рече дека разговарал со претседателот Макрон за начините за деблокирање на мировните преговори за конфликтот во источна Украина.
„Заедно ги договоривме следните чекори. „Разговаравме за заканите за енергетската безбедност на Украина, за диверзификацијата на енергетските ресурси“, напиша Зеленски на Твитер.