Францускиот претседател Емануел Макрон, кој утринава пристигна во Киев со германскиот канцелар Олаф Шолц и италијанскиот премиер Марио Драги, рече дека сака да пренесе „порака за поддршка и европско единство“ до украинскиот народ.
– Јас и моите колеги ќе се сретнеме со украинскиот претседател Владимир Зеленски. Би сакал да им ја пренесам пораката за поддршка и европско единство на Украинците – изјави Макрон по пристигнувањето во Киев, пренесе ТАСС.
Француската министерка за надворешни работи Кетрин Колона, која пристигна со француската делегација, рече дека „ова е многу важен ден за Украина, Европа и светската стабилност“.
Францускиот државен секретар за европски прашања Клемон Бон по повод посетата на европските лидери изјави дека тие „планираат да разговараат за прашања поврзани со пружањето помош за Украина и можностите за нејзин влез во ЕУ“.
Тој додаде дека „неопходно е да се започнат разговори за Украина да го добие кандидатскиот статус“.