Францускиот претседател Емануел Макрон на почетокот од посетата на Киев изјави дека Украинците повеќе од три години се спротивставуваат со „восхитувачка храброст“ за својата земја, слобода и Европа, нагласувајќи дека безбедноста на целиот европски континент е загрозена од оваа војна.
„Нашата реакција мора да биде колективна“, сподели Макрон на мрежата X, нагласувајќи дека Франција дејствува заедно со Германија, Полска и Велика Британија.
Тој презентираше три клучни пораки – мир, суверенитет и иднина. Макрон рече дека праведниот и траен мир мора да започне со целосен и безусловен прекин на огнот, што, како што рече, е предлог што Франција го спроведува заедно со САД.
Според него, Украина го прифатила предлогот уште на 11 март, додека Русија „одложува, поставува услови и продолжува со инвазијата“.