Претседателот на Франција, Емануел Макрон, го истакна Западен Балкан како еден од приоритетите на претстојното француско претседателство со Советот на ЕУ во првата половина на 2022 година.
На прес-конференција во Париз, Макрон рече дека јасна европска перспектива на Западен Балкан, инвестирање во единството на регионот и заедничките амбиции на ЕУ и регионот се она на што треба да се работи во наредниот период.
„Западен Балкан е повеќе од соседство. Балканот е срцето на Европа“, рече претседателот Макрон.
Презентирајќи ги приоритетите на француското претседателство со ЕУ, Емануел Макрон изјави дека Западен Балкан денеска повторно е исполнет со тензии и посочи дека ЕУ има „посебна одговорност“ кога станува збор за овој регион.
„Мораме да водиме политика на повторно ангажирање и инвестирање за економска интеграција на овој регион. Мора да се бориме против манипулацијата на неколку регионални сили кои сакаат да ја дестабилизираат Европа преку Балканот. Политичката и економската работа на Западен Балкан е работа на европските суверенитет“, рече Макрон.
Францускиот претседател предупреди и дека за 50 години нема да може да се зборува за „Европа на мирот“ доколку Западен Балкан „се остави во ситуацијата во која се наоѓа сега“.