Опозицискиот лидер во Црна Гора Андрија Мандиќ постави вечерва ултиматум до црногорските власти, барајќи до сабота да биде донесена одлука за преодна влада или цела Црна Гора ќе дојде во Подгорица.

Тој побара оставка од премиерот Ѓукановиќ. Ги замоли граѓаните на вечерашниот собир да не предизвикуваат инциденти.
На протестот вечерва се собраа неколку илјади луѓе.

Претходно Мандиќ изјави пред насобраните луѓе дека Ѓукановиќ вечерва со авион ја напуштил Црна Гора.