Седмата генерација на BMW M5 е многу контроверзна, има хибриден погон, многу е тешка и има осветлена маска, но токму затоа некои ќе речат дека е идеален за контроверзен „тјунер“ како Manhart.
Моделот наречен MH5 800E го придвижува 4,4-литарски твин-турбо V8 мотор поврзан со батерија од 18,6 kWh, чија моќност е зголемена на 822 КС. Засега не е познато дали автомобилот сега има подобро забрзување во споредба со „фабричкиот“, кој од 0 до 100 km/h забрзува за 3,5 секунди. Истото важи и за максималната брзина од 306 km/h.
Manhart значително го смени предниот лип спојлер со додавање на пар крила, а забележителни се промени и на хаубата, кои може да се добијат во варијанта од карбонски влакна. Други козметички промени вклучуваат тркала со двојни краци Concave One, тенко задно крило со две делови и поагресивен дифузор.
Сивата мат боја го прави автомобилот да изгледа уште поагресивен со споменатите промени, а контрастот го создаваат разни златни детали и линии.
Manhart потврди дека работи на подобрување на адаптивната суспензија во три режими, што ќе влијае на контролата на стабилноста и системот за управување на задните тркала. Тоа веројатно не е се.
Цената не е јавно објавена.