256
Германскиот тјунер Mansory го претставува F9XX Tempesta Celeste (базиран на Ferrari SF90) кој беше најавен претходно оваа година.
Тука имаме модифицирана надворешност (преден спојлер, странични прегради, заден спојлер, заден дифузер и хауба од јаглеродни влакна), како и црни тркала од 21 и 22 инчи, модифицирана суспензија, нов издувен систем со четири издувни цевки и „дотерана“ двобојна кожна внатрешност со спортски кожен волан Mansory и патосници Mansory.
Што се однесува до погонот, 4,0 литарскиот V8 твин-турбо е засилен на 980 КС, а во комбинација со три електромотори, вкупната моќност е 1100 КС.
Забрзувањето од 0 до 100 km/h трае 2,4 секунди, додека максималната брзина е 355 km/h.
На крајот, серијата е ограничена на само 3 примероци.