Марадона има три вонбрачни деца во Куба

Аргентинската фудбалска легенда, Диего Марадона има три вонбрачни деца кои се родени во Куба.
Ова го откри адвокатот на големиот фудбалер, Матијас Морла, пред „Кларин“.

Аргентинецот е подготвен да ги признае своите деца, ако се потврди дека се негови со ДНК тест.
Морла не ги откри имињата и полот на децата.

Трите деца на Марадона се од две различни жени. Ако навистина се потврди дека тој е нивен татко,
бројот на неговите наследници ќе биде осум.

Големиот фудбалер од неодамнешното минато беше во Куба помеѓу 2000-2005 година, каде се
лекуваше од зависност од дрога. Во моментов живее во Мексико, каде што го тренира
второлигашот Дорадос.