209
– Проектот „Смарт-кул-тур“ има значаен придонес за прекуграничната соработка во регионот и за зголемувањето на квалитетот на туристичката понуда со поширокиот регионален опфат почнувајќи од Битола преку Преспа до Корча, реализиран во рамките на програмата за прекугранична соработка преку Северна Македонија – Албанија 2014-2020 година, соопшит Бојан Маричиќ на неговиот ФБ.
Тој соопштува дека ЕУ за регионален развој на туризмот, заштитата на културното и природното богатство се важни за развојот на локалните заедници и градење на добри меѓусоседски односи.
– Во рамките на проектот поставени се лифт и метални пристапни рампи со кои се совладани архитектонските бариери во локалитетот Хераклеа. Со ова лицата со инвалидитет ќе можат да ги следат културните настани кои се одржуваат во Хераклеа, а и да го разгледаат локалитетот, напиша заменик-претседател задолжен за европски прашања.
Маричиќ посочува дека се направени и други инфраструктурни пристапни зафати.
– Целосно реконструиран е и таканаречениот Римски пат кој води до локалитетот, осовременет е музејскиот простор, а изработени се и на аудиоводичи на седум јазици.Вкупниот буџет на проектот изнесува 704,590 евра, а обезбедени се нови 800.000 евра за обнова на дворот во Пациото во музејот во Битола и обнова на објектот ‘Парк’, додава тој.
Маричиќ додаде дека ИПА 3 програма за прекугранична соработка помеѓу Република Северна Македонија и Република Албанија годинава ќе биде во три региони во секоја од земјите-кориснички.
– Пелагонија, Полог и југозапад во Северна Македонија и Дебар, Елбасан и Корча во Албанија, ќе се финансира со околу 12 милиони евра, додавајќи дека ваквите проекти се двигатели и генератори на развојот на локалната заедница и регионот, а прекуграничната соработка поттикнувач на поголеми инвестиции или иницијативи, кои
би придонеле за значајни промени во секојдневното живеење на граѓаните.