Финската премиерка Сана Марин во вторникот се извини за фотографијата што протече од приватна забава што ја организираше во нејзината официјална резиденција во јули, откако минатата недела беше објавено видео од нејзината „забава“, што предизвика јавна дебата.
Во понеделникот, Марин, едена од најмладите лидери во светот, беше негативна на тестот на дрога по минатонеделното видео. Таа беше тестирана по снимањето на нејзиното пеење и танцување со фински ѕвезди на друга забава.
Оваа недела на социјалните мрежи почна да кружи уште една фотографија на која се гледаат двајца познати инфлуенсери како се бакнуваат, покривајќи ги голите гради со натпис „Финска“ од официјалната резиденција на премиерката во Хелсинки.
„Според мене сликата не е соодветна. Се извинувам за тоа. Таква фотографија не требаше да има, но инаку ништо несекојдневно не се случи на забавата“, изјави Марин за новинарите, потврдувајќи дека фотографијата е од нејзината резиденција.
Марин (36) изјави дека фотографијата е направена на приватна забава со нејзините пријатели по музички фестивал во јули.