Масакрите во Буча кај Киев се „одмазда на Русија за украинскиот отпор“, изјави градоначалникот Анатолиј Федорук во интервју за италијанскиот весник „Кориере дела сера“.
Бројни тела беа пронајдени во Буча во текот на викендот по повлекувањето на руските сили минатата недела, а украинските власти соопштија дека досега пронашле тела на 410 цивили во областите околу Киев, вклучително и Буча.
Украинските власти велат дека руски војници извршиле сериозни воени злосторства во градот, што Русија го негира.
„Моите луѓе беа убиени од забава или бес“, изјави Федорук за „Кориере дела сера“. „Русите пукаа во се што се движеше: случајни минувачи, луѓе на велосипеди, автомобили со ознака „деца“.
„Буча е одмазда на Русија за украинскиот отпор“, рече тој, додавајќи дека делови од градот биле претворени во „концентрационен логор“ без вода и храна и „секој што се обидел да излезе бил убиен“.