Во тркачката серија за електромотори Формула Е ќе видиме нов производител. Во трката ќе учествува италијанската автомобилска компанија Maserati, што веројатно е одличен начин да ги рекламира своите претстојни модели на електрични возила – купе, кабриолет и теренец. Тројцата ќе се појават како серија наречена „Maserati Folgore“.
Ова е добра вест за Формула Е, откако голем број германски OEM заминаа во последните сезони, вклучувајќи го и Mercedes-EQ. За организаторите на Формула Е, појавата на Maserati не е баш како привлекување на Ferrari – а иницијаторите на трката никогаш не ја криеле желбата да го вклучат овој бренд во серијата – но секако дека вклучувањето на толку познат бренд е добредојдено. Дебито на Maserati е закажано за сезоната 2023 година.
„Многу сме горди што се вративме таму каде што припаѓаме како протагонисти во светот на трките“, изјави извршниот директор на Maserati, Давиде Грасо, цитиран од Arstechnica. „Имаме долга историја на конкуренција од светска класа и подготвени сме да ја зголемиме продуктивноста во иднина“.
Сега аналитичарите и навивачите имаат време да се расправаат и да се обложуваат кој познат возач ќе го привлече Maserati за првото учество во „електричната Формула“.
Во меѓувреме, идејата за приклучување на Ferrari во Формула Е првично беше категорично отфрлена од тогашниот шеф Серџо Маркионе. Меѓутоа, неодамна имаше индикации дека Ferrari е „заинтересиран за истражување на мотоспортот надвор од Формула 1“ во обид да го задржи својот инженерски тим во услови на новиот „плафон на трошење“ на Ф1 што ќе го намали буџетот на тимот за околу 463 милиони долари во 2019 година до „едвај“ 140 милиони долари во 2022 година.