Извршниот директор на Tesla, Илон Маск, тврди дека новиот електричен модел на производителот на автомобили ќе се користи претежно во режим на автономно возење.
Откако Маск првпат го најави во 2020 година, Tesla полека развива нов модел на електрично возило кој треба да се вика Model 2 и да биде најприфатливиот автомобил од овој производител со цена од околу 25.000 долари, пишува N1.
„Постои јасен пат за правење помало возило што е околу половина од трошоците за производство на нашиот Модел 3. Тоа возило ќе се користи речиси целосно во автономен режим. Она што е голем чекор за Тесла е автономијата“, рече Маск.
I have just seen some pictures of the new low end Tesla hatchback! Now don’t get me wrong it looks like a Mazda CX-30!! Tell me if I’m tripping or not! Apparently it’s called the Tesla Model 2 pic.twitter.com/Fpa6026uLC
— Makie B (@_MakieB_) March 2, 2023
Тој додаде дека личните автомобили сега обично се користат само 10-12 часа неделно и рече дека доколку возилата се целосно автономни, веројатно ќе се користат 50-60 часа неделно.
„Тоа е пет пати поголема од вредноста на автомобилот, а исто толку чини и изработката на автомобилот“, додаде тој.
Кога зборуваше за Model 2 и плановите на компанијата за автономно возење, Маск мислеше на долго ветената услуга за робот-такси каде што сопствениците на Tesla ќе можат да ги изнајмуваат своите возила кога не им требаат и на тој начин да заработат дополнителни пари. Со оглед на тоа дека Model 2 ќе биде достапен и веројатно ќе се етаблира како најпродаваниот модел на Tesla, се претпоставува дека многу сопственици ќе ги рекламираат своите автомобили за услугата робот-такси.
Се разбира, Илон Маск изнесе голем број смели тврдења за способностите на Tesla за самоуправување низ годините, па затоа неговата изјава треба да се земе со резерва.