Контроверзниот милијардер Илон Маск вчера ја лансираше раната верзија на онлајн енциклопедија напишана од вештачка интелигенција наречена Grokipedia.
Долго време, Маск најавуваше создавање услуга која, со помош на вештачката интелигенција, треба да стане конкурент на Википедија.
Визуелно, страницата наликува на Википедија во однос на стилот и форматот, иако бројот на содржини и теми е сè уште многу скромен во споредба со Википедија. Во моментов, на почетната страница на Grokipedia се наведува дека се прикачени 885.000 статии, додека Википедија на англиски јазик има повеќе од 8 милиони.
Проектот е најновиот обид на Маск да го користи Grok, систем за вештачка интелигенција сличен на ChatGPT, развиен од неговата компанија xAI, за да испорача десничарска нарација за која вели дека е цензурирана во САД.
Некои од обожавателите на Маск го поздравија неговото деби во понеделникот со ентузијазам, додека критичарите посочија примери на статии што содржеа лаги или пасуси што ја копираа Википедија… буквално.
Сепак, по пробната употреба на пребарувачот, голем број корисници наведуваат дека бројни настани се променети, односно дека наведените извори не ги одразуваат речениците што се цитирани.
Во делот за работата на Маск во Воениот оддел на САД, Grokipedia вклучи грешка во врска со кандидатот за гувернер на Охајо, Вивек Рамасвами, тврдејќи дека тој презел „позначајна улога“ по заминувањето на Маск во мај. Всушност, Рамасвами ја напуштил заедничката работна група пред таа да стане дел од администрацијата на Трамп во јануари.
За да го поткрепи лажното тврдење, Grokipedia цитираше статии од Би-Би-Си и Ал Џезира, од кои ниту еден не го споменуваше Рамасвами.