Извршниот директор на Tesla и Space X, Елон Маск, негираше дека имал афера со сопругата на долгогодишниот пријател, ко-основачот на Google, Сергеј Брин, негирајќи го неделниот извештај на Wall Street Journal во кој се вели дека аферата го завршила бракот на Брин, како и неговото пријателство со Маск.
„Со Сергеј сме пријатели и синоќа бевме на забава заедно! Сум ја видел Никол само двапати во три години, и двата пати со многу други луѓе наоколу. Ништо романтично“, напиша Маск на Твитер во неделата навечер.
Според извештаите, Маск и Брин биле блиски пријатели со години. Брин, осмата најбогата личност во светот, дури и финансиски му помогнал на Маск за време на економската криза во 2008 година.
Но, минатата есен, додека Брин и Никол Шанахан биле привремено разделени, но живееле под ист покрив, таа очигледно го привлекла вниманието на најбогатиот човек на светот, пишува WSJ.
Маск и неговата девојка, пејачката Грајмс, раскинаа во септември, иако го добија своето второ дете преку сурогат во декември 2021 година.
Исто така минатата есен, уште една од љубовниците на Маск, извршниот директор на Neuralink – Шивон Зилис, му роди близнаци.
Тоа очигледно не го спречило Маск наводно да се забавува со сопругата на својот пријател.
Двајцата се венчале на меѓународниот уметнички фестивал „Арт Базел“ во Мајами на почетокот на декември 2021 година, објави WSJ.
Брин поднесе барање за развод од Шанахан претходно оваа година, наведувајќи ги „непомирливите разлики“, неколку недели откако дознал за аферата, објави економското издание.
Брин и Шанахан беа во брак четири години и имаат ќерка. Тие се официјално разделени од крајот на 2021 година.
Шанахан бара 1 милијарда долари од богатството на Брин од 95 милијарди долари.