Елон Маск на Твитер објави дека ќе даде милијарда долари на Википедија доколку го промени името во Дикипедија, а неговата објава ја лајкнаа повеќе од 111 илјади луѓе. Имено, Википедија често бара донации од луѓе ширум светот, бидејќи страницата има тим од волонтери кои помагаат во одржувањето на страницата и преведуваат разни статии на различни јазици за да бидат достапни за секого.
Најбогатиот човек на светот е подготвен на Википедија да и даде чек со многу нули, а за тоа поставил еден услов.
„Ќе им дадам милијарда долари ако го сменат името во Дикипедија“, напиша тој на Твитер.
I will give them a billion dollars if they change their name to Dickipedia https://t.co/wxoHQdRICy
— Elon Musk (@elonmusk) October 22, 2023
Објавата дојде откако тој објави скриншот од Википедија од ко-основачот на страницата Џими Велс кој бара донации, што не му се допадна на Маск, кој се запраша зошто страницата секогаш бара пари.
„Дали некогаш сте се запрашале зошто Фондацијата Викимедија сака толку многу пари? Секако не е неопходно да се работи на Википедија. Копија од целиот текст буквално може да се собере во мобилен телефон! Па, за што служат парите? Љубопитните умови сакаат да знаат…“, напиша милијардерот.
Have you ever wondered why the Wikimedia Foundation wants so much money?
It certainly isn’t needed to operate Wikipedia. You can literally fit a copy of the entire text on your phone!
So, what’s the money for? Inquiring minds want to know …
— Elon Musk (@elonmusk) October 22, 2023
Инаку, Саманта Лиен, портпаролката на фондацијата Викимедија, одговори на ова прашање за „Вашингтон пост“.
„Врз основа на упатствата на Одборот на доверители на Фондацијата Викимедија, нашата резерва е еднаква на оперативниот буџет за една година.Доколку постоеле околности кои влијаеле на нашата способност да ги собереме тие средства во тој период, би можеле да дојдеме во итна ситуација, а резервата е безбедносна мрежа за заштита на Википедија од таа можност“.
Значи, во основа, тие секогаш сакаат да го надополнат својот фонд во случај да се појават проблеми, што има смисла финансиски. Со оглед на тоа што Википедија е една од најпопуларните страници на целиот интернет, не би сакале да ја отворите страницата еден ден и да откриете дека е офлајн.