Борбата меѓу Закерберг и Маск ќе се пренесува во живо на платформата „Х“, а целиот приход ќе оди во добротворни цели за ветераните, напиша на поранешниот „Твитер“ новиот сопственик на мрежата Илон Маск.
Не е познато што точно сакал да каже Маск со ова. Објавата беше објавена рано наутро во неделата, без да се наведат дополнителни детали. Мета не одговори веднаш на барањата на Ројтерс за коментар.
Zuck v Musk fight will be live-streamed on 𝕏.
All proceeds will go to charity for veterans.
— Elon Musk (@elonmusk) August 6, 2023
Нова провокација меѓу двајцата ривалски милијардери се случи откако Маск на крајот на јуни влезе во дебата со шефот на Фејсбук. Потоа ја исмејуваше неговата компанија Мета која се обидува да лансира платформа за „микро-блогирање“ за да му конкурира на Твитер.
„Сигурен сум дека Земјата едвај чека да биде само под палецот на Закерберг без други опции“, напиша Маск тогаш на Твитер и додаде дека е за „борба во кафез“ со сопственикот на Фејсбук, „ако и самиот тој е подготвен за тоа“.
Закерберг му одговори на Инстаграм, пишувајќи: „Испрати ми ја локацијата“.