Најбогатиот човек во светот, Илон Маск, навести дека би можел да го купи Рајанер по јавната расправија со извршниот директор Мајкл О’Лири.
На својата платформа X, која ја купи во 2022 година и ја преименуваше од нејзиното долгогодишно име Твитер, тој навести дека би можел да го купи и Рајанер, со прашање во кое им даде можност на корисниците да гласаат.
„Да го купиме Рајанер и да го вратиме Рајан на чело на компанијата?“, праша тој, оставајќи ги опциите „Да“ или „Не“.
Повеќето од корисниците на X кои учествуваа одговорија со „Да“ на ова прашање, а Маск не разјасни колку сериозно ја сфаќа оваа бизнис идеја.
Buy Ryan Air and restore Ryan as their rightful ruler
— Elon Musk (@elonmusk) January 19, 2026
Објавата на Маск доаѓа по јавната расправија меѓу технолошкиот магнат и извршниот директор на „Рајанер“, која ескалираше откако се нарекоа еден со друг „идиоти“, околу прашањето за употребата на Старлинк на Маск во авионите на „Рајанер“ во текот на летото.
Всушност, „Рајанер“ одби да инсталира „Старлинк“ во своите авиони, наведувајќи ги високите трошоци и неефикасноста на потегот за деловниот модел на „Рајанер“. О’Лири рече дека Маск не е запознаен со проблемите со авијацијата и воведувањето на WiFi во авионите, а Маск одговори барајќи негово отпуштање.