Маск објави спојување на неговиот стартап xAI и платформата Х

Американскиот милијардер Илон Маск објави дека неговиот стартап со вештачка интелигенција xAI се интегрирал со платформата X, оценувајќи ја компанијата за вештачка интелигенција на 80 милијарди долари, а социјалната мрежа на 33 милијарди долари.

„Иднината на xAI и X е испреплетена“, напиша најбогатиот човек на светот во објава на мрежата X.

Тој додаде дека спојувањето на двете приватни компании ќе отклучи огромен потенцијал со комбинирање на способностите и експертизата за вештачка интелигенција со масовниот досег на платформата X.