Милијардерот Илон Маск синоќа го посети седиштето на компанијата Твитер во Сан Франциско, а тоа е документирано со објава на оваа социјална мрежа.
Имено, тој објави видео на кое се гледа како влегува во просториите на Твитер носејќи ни помалку ни повеќе туку мијалник.
„Влегување во седиштето на Твитер – да се разбереме во целост (Let that sink in)“, изјави тој.
Фразата „ Let that sink in“ во буквален превод би значела „нека потоне внатре“, а на секојдневниот англиски значи грубо „нека потоне“.
Entering Twitter HQ – let that sink in! pic.twitter.com/D68z4K2wq7
— Elon Musk (@elonmusk) October 26, 2022
Претходно во текот на денот, Маск напиша „Chief Twit“ во описот на својот профил на Твитер, за што многумина веруваат дека се обидел да ги задева актуелните шефови на компанијата.
Твитер не одговори на барањето на Ројтерс за коментар.
За потсетување, претприемачот Илон Маск планира да го финализира купувањето на Твитер до петок, 28 октомври, откако зделката беше одложена со месеци поради правен спор меѓу Маск и компанијата, објави „Блумберг“.