Најмалку две лица загинаа во масовно пукање на тинејџерска забава во Такома, Вашингтон. Четири лица се ранети во пукотницата која се случила во раните утрински часови во саботата, а официјални лица потврдија дека сите шест жртви се на возраст под 21 година. Никој не е уапсен, а полицијата вели дека е можно да имало повеќе од еден напаѓач.
Канцеларијата на шерифот на округот Пирс соопшти дека пукањето се случило откако соседите повикале полиција поради поплаки за бучава околу 22 часот, а жителите пријавиле дека виделе повеќе од 100 лица на забавата.
Очевидци додадоа дека набрзо потоа настанал хаос во станбениот блок, а првите извештаи за истрели пристигнале во 00:24, бидејќи неколку куќи и возила биле исто така погодени од огнено оружје, според каналот King5.
Соседите исто така пријавиле дека забележале употреба на дрога и неколку тепачки меѓу малолетници на улица.
Првата жртва, маж, била пронајдена застрелана, а мештаните се обиделе да му го спасат животот, но на местото на настанот била констатирана смрт.
Петмина од ранетите сами се упатиле во болница, соопшти шерифот, но еден од нив подоцна починал во болница. Четирите преживеани жртви се здобиле со „сериозни повреди“, но се очекува да закрепнат.
Официјалните лица сè уште не го соопштуваат идентитетот на жртвите, од кои најмладата наводно имала 16 години.
Канцеларијата на шерифот на округот Пирс започна истрага за пукањето, а детективите и форензичките тимови ја обезбедуваат улицата каде што се случил хоророт.
Пронајдени се две оружја, а официјалните лица рекоа дека иако нема повеќе жртви, веруваат дека е можно други да бидат повредени и да се појават во болницата во секое време.
„Ова е уште еден мрачен потсетник за тоа колку забавите можат да бидат опасни кога работите ќе излезат од контрола“, изјави портпаролот на канцеларијата на шерифот.