118
Најновата колекција на мебел на ИКЕА ќе може да ги полни вашите уреди безжично. Линијата за високотехнолошки домашни потреби и внатрешни решенија ќе биде достапна за корисниците во Северна Америка и Европа оваа пролет.
Колекцијата вклучува лампи, масички, ноќни шкафчиња и други мали мебели со вградена подлошка за безжично полнење. Новите производи се создадени во соработка со Вајрлес Пауер конзорциумот и го користат стандардот Qi, кој се користи од уреди на ХТЦ, Моторола, ЕлЏи, Пансоник, Галаски серијата на Самсунг, и повеќето Нексус смартфони и таблети на Гугл. 
Ако не сакате да ја менувате внатрешноста на вашиот дом, ИКЕА ќе нуди и мала подлошка за безжично полнење, која можете да ја поставите каде што ви одговара. 
Главниот проблем со серијата мебел е нејасноста околу компатибилноста со идните уреди, но ако навистина сакате да живеете во иднината, експериментот веројатно вреди.