Спасувачки хеликоптер успеал да спаси скијач од проблеми откако бил нападнат и каснат од кафеава мечка на Алјаска.
Човекот бил дел од група која се искачувала на планина во близина на Хејнс, а за време на нападот се здобил со повреди на главата и раката.
Одделот за риби и дивеч на Алјаска објави дека скијачот ненамерно разбудил мечка, мајка која веројатно го штитела младенчето.
„Кога мечката го нападна скијач, во еден момент сфатил дека е најдобро да се преправа дека е мртов што веројатно беше добра идеја во тие околности“, изјавил биологот Карл Кох за Си-Ен-Ен.
Хеликоптер за спасување ги пронашол нападнатиот човек и уште двајца скијачи на околу 10 километри северозападно од Хејнс на надморска височина од околу 490 метри.
https://www.youtube.com/watch?v=_Lx1bKDM-50&feature=emb_title
Кога пристигнале спасувачите, жртвата сè уште била свесна. Двајца други скијачи му укажале прва помош и контактирале со крајбрежната стража.
„Користејќи го нивниот сателитски комуникациски уред, утврдивме прецизни GPS координати и надморска височина. Исто така, што е важно, скијачите имале ткаенина со светла боја за да му сигнализираат на пилотот на хеликоптерот. Тоа беше апсолутно клучно“, рече копилотот поручник Вил Сирокман.
Останатите двајца скијачи не побарале помош и сами се спуштиле по планината.