Обидот за државен удар против украинскиот претседател Володимир Зеленски е вистинската позадина на „чистката“ што Зеленски ненадејно ја изврши во врвот и структурите на безбедносниот апарат и обвинителството под обвинение дека државни и воени тајни и биле дадени на руската страна. пишува денеска италијанскиот весник „Република“. Во прашање беше и „планот на безбедносниот апарат координиран со Москва за радикална промена на власта во Киев и смена на Зеленски од врвот на државата“, додава римскиот весник.
Многу медиуми во Европската унија внимателно ја следеа веста дека Зеленски го разрешил шефот на украинската безбедносна служба, неговиот долгогодишен пријател Иван Баканов, како и државната обвинителка Ирена Венедиктова.
Францускиот весник „Монд“, исто така, наведува дека украинскиот претседател „почнал лов на соработници и предавници“ кои биле обвинети дека барем не биле свесни за соработката и велепредавството на нивните подредени во корист на рускиот окупатор“, што сега ја „зајакнало позицијата на „сивата еминенција“ во Киев на Андриј Јермак, шеф на кабинетот на украинскиот претседател, во Киев“.
Шпанскиот дневен весник „Паис“ од Киев јавува дека „дамоклов меч е над главата на сменетиот шеф на обезбедувањето Баканов од почетокот на руската офанзива, а Зеленски целосно ја изгубил довербата во него кога украинскиот град Херсон паднал во руски рацете, а украинските сили не беа во можност да ја проценат и да се спротивстават на рускиот пробив“.
Зеленски, додава мадридскиот весник, претходно сменил некои клучни генерали на командните позиции и на врвот на воената разузнавачка служба.
Со цел општиот заговор во Украина да биде уште покомплициран, говори и според „Паис“, вистинскиот политички земјотрес предизвикан во Киев од страна на американската сенаторка Викторија Спарц, барајќи во писмо до претседателот Џозеф Бајден да ги истражи можните импликации на моќниот шеф на кабинет и најдоверлив човек на Зеленски, Андриј Јермак, поради наводна поврзаност со Москва.
Во писмото до Бајден, американската конгресменка тврди дека Јермак пренесувал информации во Белорусија, што било отфрлено од украинското Министерство за надворешни работи и од владејачката Демократска партија.
На 9 јули Зеленски ги отповика и ги смени украинските амбасадори во Германија, Унгарија, Чешка, Норвешка и Индија.