Во последните денови главна тема на светските медиуми се војводата и војвотката од Сасекс, Меган и Хари, кои кренаа голема прашина со документарен серијал за нивниот живот.
Тие во овој документарец изнесоа многу тврдења за британското кралско семејство, што само дополнително ги влоши нивните и онака лоши односи, а Бакингемската палата се уште не се огласила по тој повод.
Сепак, на Хари и Меган им го „украде шоуто“ принцезата од Велс, Кејт Мидлтон, со објава на Твитер.
Имено, Кејт ќе ѝ се обрати на јавноста на католички Божиќ на 25 декември на ITV, како што најави на официјалниот профил на Кенсингтонската палата.
🎄 #TogetherAtChristmas
📺 @itv
🗓 Christmas Eve pic.twitter.com/gft1fJpLWP— The Prince and Princess of Wales (@KensingtonRoyal) December 11, 2022
Принцезата од Велс во оваа прилика го покажа стилот во кој ќе се појави, а се работи за бордо фустан украсен со светки и чипка.
Објавувањето на обраќањето на принцезата до јавноста наиде на поделени коментари, а додека некои велеа дека ја „соборила Меган од тронот“, други пишуваат дека „намерно се наметнува бидејќи Меган е попопуларна од неа“.