Познатиот холивудски актер Метју Меконахи ги раскажа приказните за убиените во престрелката во неговиот роден град Увалде, Тексас и повика на „реформа на оружјето“.
Меконахи и неговата сопруга Камила Алвес се појавија пред новинарите во Белата куќа по средбата со американскиот претседател Џозеф Бајден, пренесе „Анадолија“.
Алвес држеше зелени патики на една од жртвите на нападот во Увалде, додека Меконахи беше зад подиумот.
Тој рече дека по нападот отишол во Увалде, ги слушал приказните за жртвите една по една и ги раскажа од говорницата.
Нагласувајќи дека и тој поседува оружје, рече дека треба да се донесат некои прописи за поседување.
Во врска со ова, Меконахи го повика Конгресот да ги преземе неопходните чекори.
Посочувајќи на вториот амандман на Уставот, кој им дава на Американците право да поседуваат оружје, тој рече: „Одговорните сопственици на оружје се уморни од злоупотреба на вториот амандман“.