Мексико: Бројот на загинатите во нападот на затворот во градот Хуарез се искачи на 19

Во напад на затвор во мексиканскиот пограничен град Хуарез загинаа 19 лица, а лидерот на картелот успеал да побегне заедно со уште дваесет затвореници, соопштија денес властите во земјата.

Министерот за одбрана Луис Крешенсио Сандовал на прес-конференција изјави дека вооружената група, која била во оклопни возила, извршила речиси истовремени напади врз затворот и општинската полициска станица, пренесе Ројтерс.

Властите соопштија дека нападот во неделата наутро се совпаднал со подготовките за посети на новогодишната ноќ.